Pyn thikna U bah Metbah, ban trei noh wut wut ia ka jingtwa ka Wah Umngi

Shillong: U bah Metbah Lyngdoh myntri ba khmih ia ka tnad Water Resources bad kiwei de jong ka sorkar jylla u la ong, “Nga wan hangne ha shong Balat ban iathuh ia phi ba nga pyntikna ba ia ka jing shna ia kane ka jingtwa khyndew ban iada ia phi ki nong shong shnong naka jing shong syier yn sa leh noh kloi.”
Ia kitei u la kren kum u myntri ka sorkar, ha ka jingialang myn hynnin ka sngi, ha ka shnong Balat haba u la leit ban khmih ban jngoh ban lap dala ki jong ki khmat iaka ei ba kaba ki paitbah jong kathie ka shnong ki la mad iaka jingduh noh iaki iing ki sem, ki jaka ki puta hakine ki snem bala dep namar ka jing shah khlong noh da ka um jong ka wah Umngi kaba iaid lyngba nakane ka shnong.
“Ngan shim ruh ia ka Balat kum ka top priority na kiwei pat ki jaka jong ka jylla ha ka ban ban wah rah iaki skhim ban long ka jingiarap hakane ka shnong,”la bynrap shuh shuh utei u Myntri sorkar haba pynpaw ia ka jing sngew synei lem iaki paitbah jong ka thie ka thain.
U la iathuh ba ka sorkar kan sa wad lad ban leh kham kloi namar iakane ka jaka kaba heh ym dap pisa shuh daka sorkar jylla,bad yn sa wanrah lyngba ka central fund, namar u la iathuh ba u dang shu wan iakynduh ia u Amit Shah, u myntri ka sorkar pdeng ban pynpaw iaka jingdonkam iarap pisa iaka tnad ha ka jylla,ha kaba naka liang u tei u myntri sorkar pdeng ruh u la kular ban leh iaki jingdonkam.Bad u la iathuh ba ka shong mynta, sa tang ban pynbiang iaki syrnot jingpan mang pisa na ka sorkar jylla.
U la iathuh ruh ba halor ka jing shna ia ki kynroh iada ia ka thie ka wah Umngi, la dep khot tender myn ha ubnai Rymphang 2019, hynrei ym don ba wan thep,bad ia kajuh la pynjlan biang bad ladon tang uwei uba wan thep,pynban ymlah ban pyntrei ia ka kam.
Shuh shuh,u la iathuh ba ka jingmang pisa ban shna iaka kynroh iada ka long 11 klur tam na ka bynta ka jingjrong ba 2.200 kilo metar bad ia kane yn leh daka central fund bad khot tender da ka Brahmaputra Board.
Shu shuh, ula kular ruh ba na ka bynta ka jingiada ba kyrkieh tad haduh ban da wan ka central fund yn nang leh noh da ka jylla da kaba shu thung da ki siej kumba laleh kham mynshwa, namar ka I don jingiarap, ne katkum kaei ba yn sa ia pyrkhat bad ki ophisar ka tnad iakaei kaba kham bha.
Ha katei ka jingialang , la donlang ruh u bah Kyrmen Shylla Myntri ka tnad Revenue bad kiwei de,ka DC South West Khasi Hills kong I.Laloo,ki ophisar sorkar jong ka tnad water resource naduh na Shillong haduh ki ophisar jong ka District baroh kawei ryngkat ki heh pulit jong ka District lem bad u Syiem ka Hima Maharam.