Ka World Health Organization (WHO), ka la pynsangeh shwa ia ka jing pyndonkam ia ki dawai kiba la shna na India bad kitei ki kynthup ia u hydroxychloriquine, uba ki sumar ia kiba pang COVID-19.
Ka rai jong ka WHO, ka dei hadien ka kaiphod, ba la pynmih ha ka taiew ba ladep, da ka Lancet, kaba pyni ba ka jing pyndonkam ia utei u dawai, ka pyniap kloi iau briew, ong U Tedros Adhanom Ghebreyesus, uba dei u khlieh duh jong ka WHO.
U Tedros, u iathuh ba ia mynta, la rai shwa ban pynsangeh shipor, ia utei u dawai hydroxychloroquine.
La ong shuh shuh ba u dawai Hydroxychloroquine, u dei uba ju sumar ia ka jingpang kaba ju ktah bha ha ki mat, hynrei na ka liang jong U President ka America, ula ai jingmut ban pyndonkam ia katei ka dawai bad ka US, ka la thied shibun bha ia utei u dawai.
Ka jingpule ka Lancet, ka iathuh ba ka jingdih ia utei u dawai, ka lah ruh ban pynmih ia kiwei pat ki jait jingpang bad katei ka kynthup ia ka jingpang kaba ktah ia u klongsnam.
Ka Lancet, ka ong shuh shuh ba utei u dawai, um shym la iarap eiei satia ia ki nongpang bad katei ka long haba ki la wad jingtip, na ki 96,000 ngut ki nongpang ha ki bun spah tylli ki hospital.
Phi don ban ong eiei?