Shillong: Ka Synjuk Rangbah Shnong War Jaintia, ka la phah ia ka shithi sha u Deputy Commissioner ka West Jaintia Hills District, halor ka phang ban kyrpad ban pynsangeh ia ka jingpyniaid ia ki kali sha Bangladesh lyngba ka Tamabil.
Ka jingbuh jingkyrpad jong kane ka Synjuk Rangbah Shnong War Jaintia ha khmat u Deputy Commissioner ka West Jaintia Hills District ka la mih hadien ka jingphah shithi jong u C.V.D Diengdoh IAS Secretary ka sorkar jylla Meghalaya kaba No.POL 79/2020/87 dated Shillong 27th April 2020 kaba iathuh ia ka jingthmu jong ka sorkar jylla Meghalaya ban sdang ban shalan noh ia ki mar ki mata sha Bangladesh lyngba ka Tamabil.
Ka Synjuk ka pynpaw ba kane ka jingthmu jong ka sorkar kan wanrah ka jingeh bad ka jingma ia ka thain hi baroh kawei, bad haba khmih ia ka jinglong jingman kaba mynta ki paidbah ki don hapdeng ka jingsyier bad ka jingkordit namar ka jingtieng ia ka jingsaphriang jong u khniang jingpang Coronavirus, bad namar kane ki bor jong ki shnong ki la trei shitom bad duh thiah duh dem ban pahara ia ka thain Border baroh shilynter ban khanglad ia ka jingsaphriang jong kane ka khlam, hynrei mynta ngi iohi ba ka sorkar ka la plie lad pynban ia ki kali ban leit rung sha Banhladesh.
Da kaba khmih ia kine ki jingeh ki ban buh ia ki shnong ki thaw ka Synjuk lyngba kane ka shithi ka buh ka jingkyrpad ia u Deputy Commissioner jong ka West Jaintia District ban pynsangeh shuwa ia ka jingshalan ia ki mar ki mata sha Bangladesh kum ka jingkhanglad ia ka jingsaphriang jong ka khlam na ka ri bamarjan.
Haoid ka jingpyniaid kali sha bangla Kadei ban sangeh shwa namar ha bangladesh ruh u corona u kiew sted mynta