Pyn kynthih jakoit ki pulit ia kiba pynkhein korphiw

Shillong: Wat la na ka liang ka Sorkar jylla ki la shim khia ban teh lakam ia ka jingsaphriang jong u khniang jingpang Covid -19 da ka ba ka la pynjari ia ka Curfew ha baroh kawei ka East khasi hills district ban khang ia ki briew ba kin mih sha bar hynrei don na ki briew kiba khein sting bad ialeh pyrshah ia ka ne ka hukum jong ka Sorkar.

Ki pulit ki ba ap pahara mynta ka sngi hadien ba ki la tohkit bad lap ba ki dei ki briew ki ba pynkhein ia ka ne ka jingpynjari curfew ki la ai jingsneng ia ki da ka ba phah shong phah ieng bad pynkynthnih jakoit ia ki ne ki briew.

Kane ka jingleh jong ki pulit ka long ban khang ia ki briew ki ba mih na ing bad ka jing khein sting bad jing saitlah jong ki katto katne ki briew ka ba lah ban wanrah ia ka jingma ia baroh ki paidbah ka jylla.