Shillong: Ha kine ki khyndiat sngi ka jylla baroh ka wei ka la sakhi ia ki ba bun ki jingjulor bad ka jingduh nong ha ka ba iadei na ka jingther u slap ha ka ba ka la ktah jur ia ka jylla baroh kawei,ka jingjulor ka ba shyrkhei ka long ia ki ing ki sem ki surok, ha kaba ka la wan rah ia ka jingeh ha ka leit ka wan bad kumjuh ia ki jaka rep ki ba la shah tap bad pynjulor ia ki jingthung jingtep ha une u slap u ba jur.
Mynta ka sngi ka rilum Jaintia ka la shah ktah jur ha kane ka jinghap u slap u ba jur ha ryngkat ka eriong ha kine ki 24 kynta ka la wan rah ia ka jingjulor ki surok, kiba bun na ki ing briew ki la julor na ka jing twa ka kyndew bad kum juh ka jingshei ka um na ka wah Myntdu ka la ktah jur ia ki markhap shnong ki ba ka ne ka wah ka iaid lynti.
Ki surok ki ba la shah ktah jur na ka jingtwa ka kyndew ka long ha ka surok Amlarem, Dawki, bad ka surok ha ka shnong Moosyiem Shangpung ki ba don ha ka West Jaintia Hills District. Ka jingtwa ka khyndew ka ba khamjur ha ka ba ka la pynjulor ia ki ing ki sem ka long ha Riatdiengling ha jan jong ka Government Boys.
Katba ka jingshlei jong ka wah myntdu ka la tap lut ia ka Syntu Ksiar bad Yalong, na ka ne ka jinghap jong u slap u bala neh 24 kynta ka la wan rah ia ki jing julor ki ba bun ki shnong ki ba hap ha ka West Jaintia Hills District ka ba kynthup ia ka Chilliangraij,ka Tympang, Iawmusiang,Caroline Colony, Riatsiatsim bad ka Khliehiongriang na ka jing shlei ka um bad ka jingtwa ki khyndew.
Ha kane ka jing lynshop u slap bad ka eriong ym shem la don ka no kano ka jingmynsaw hynrei ka jingjulor ka long ka bakhraw ha ka Rilum jaintia.
Phi don ban ong eiei?