Pyn ieng lain kai ia ki trok dewiong ha Borsora

Shillong, 22 Naiwieng:
Ka State Co-ordination Committee of Coal Owners, Miners & Dealers Forum ka pynpaw ka jingbitar ia ka jingpynpulom jong ka tnad ka kit ka bah ka sorkar ka tnad Transport ban pyntreikam ia ki jaka thew ia ki trok kit dewiong kiba la ieng laiñ naduh ka janmiet sngi U Blei, ha Borsora bad Cherragoan, South West Khasi Hill, kiba thmu ban leit kit ia U mar dewiong sha ki khappud jong ka Bangladesh.
Dang shen katei ka Forum ka la leit ia kynduh ia uwei na ki heh ophisar jong katei ka tnad bad ula kular ban pyntreikam noh ia kitei ki jaka thew naduh ka 21 tarik mynta u bnai hynrei ka kam kam iahap bad ka ktien ba la ia kren.
Ka kyrwoh khubor ka la ong ba ka jinghiran ia ki trok draibar bad ki trai dewiong kala long kaba shyrkhei bad la kynnoh ba katei ka jingle katei ka tnad ka long kumba ka leh khnang bad ka don ka jingthmu eiei kaba sha lyndet.
Katei ka Forum ka kyrpad ia ka tnad ka kit ka bah ban pyntreikam noh mar mar ia kitei ki jaka thew dewiong hapoh 24 kynta bad lada ka pulom, ka Forum kan leit ai jingtip bad ujor sha ka National Green Tribunal bad ka Supreme Court ia ka jingbym kohnguh ne sngap ia ki rai bad jingbthah jong ki hukum ain. Kane ka long katkum ka kyrwoh khubor na u bah Mostophar Kharkongor Secretary katei ka Forum.