Shillong: 4ngut ki MDC, ka Garo Hills District Council, ki la pyn iasoh ialade sha ka Bharatiya Janata Party (BJP).
Kine 4 ngut ki MDCs ki kynthup u Deputy Chairman u Mettrinson G Momin u ba lah shah beh na ka National People’s Party, u Boston Marak na ka United Democratic Party (UDP), U Jimberth Goera Marak bad u Wenison Marak na ka Garo National Council (GNC).
ia kine ki saw ngut ki MDC lah pdiang sngewbha da u General secretary in-charge ka Meghalaya U Nalin Kohli ha Guwahati Assam.
Kane ka jing wan rung BJP U Mettrinson G Momin ka pynkyndit ia bun balang namar ha ka election Deputy Chairman u lah ioh jing kyrshan na ka congress tangba mynta pat u lah rung sha ka BJP.
Lah ban shu kdew ba khyndiat sngi mynshwa u MDC jong ka Balachanda constuituency u Sofiur Rehman u lah ong ba kin don ki MDC ban wan join sha ka BJP namar kim shaniah shushia ka Executive Committee ba ialam da ka NPP. Kumba shu kynmaw ha ka 27 tarik Naiweing 2019 ka liang pyrshah ba ialam da ka Congress led Opposition ka lah jop ia ka election na ka bynta ka shuki deputy chairman pyrshah ka NPP.
Haba kylli ka seng BJP kan pynkhihwin ne em ia ka EC ba mynta, U MDC ka BJP u Bhupendra Hajong u lah ong ba mynta shipor ka seng kan hap ap shwa namar ba dang don case ha Court.
Phi don ban ong eiei?