Shillong: Ka Shillong Lajong ka la pynliem ia ka Ozone Football Academy da 2-0 ha ka jingialehkai U-18 Youth League Final Round ka Group D kaba long ha kane ka sngi Thohdieng ha madan ka MFA,Shillong. Kane ka dei ka sien jingjop kaba ar ia ka Shillong Lajong ha kane ka lympung.
U Phrangki Buam u la ioh ban thep ia ka kol da ka penalty ha ka 60 minit katba u Parvaj Bhuiya u la thep ia ka kol kaba ar ha ka 65 minit na ka bynta ka Lajong.
Da kane ka jingjop, ka Lajong Junior ka don ha khlieh ruh ka miej kamai point na ka Group D da kaba kamai 6 point na ki ar sien ialehkai. Kan sa pynkhreh ban iakhun sa ia ka FC Goa ha ka 21 tarik Jymmang kata lashai ha JN Stadium ha ka por 3:30PM.