Shillong: Ha ka 7 tarik Nohprah 2019, la pyllait paidbah ia ka kot Ka Akor Kaba Tam Bynta-III da u Kongsan Rangbah Spiton Kharakor ha ka ophis jong ka Khasi Jaintia Welfare Association (KJWA).
Ia kane ka kot la thoh da U bah P.R Shabong u Nonghikai Shillong College ha ka jingiadon lang kiwei pat ki nonghikai, ryngkat ki khynnah klas bad ki khun samla.
Shuwa ban pyllait paidbah ia kane ka kot la don ka program lyngkot ha kaba la ioh ka jingkren na u nongthoh hapoh ka jingpyniaid u Babu TS Lynshiang kum u Chairman nangta ka jingkren u Chairman ka KJWA bah SS Rynjah uba kren beit shaphang ka jinghikai kat kum ka kyrteng jong ka kot ba kin tip ia ka Akor ka burom khamtam ha kaba kum ha kine ki sngi.
Ka jingkren na u Kongsan Rangbah Spiton Kharakor shaphang ka juh hi ka bynta.
Ia kane ka kot la thoh na ka bynta jong ki klas V, klas VI, hynrei ka shong ha ki bor pyniaid skul lane ki nonghikai ba kin pynrung kat kum ka jinglah jingki khynnah kaba lah ban long haduh klas VII.
Phi don ban ong eiei?