Shillong:U myntri ka tnad pynneh lariti ka jylla u bah Paul Lyngdoh ula pyllait ia ka pansngiat ka Miss Universe Meghalaya ha ka jingialang kaba long mynhynnin ka sngi ha Vivanta Hotel, ha ka jingdon lang u bah Fredrick R Kharkongor, Commissioner & Secretary ka tnad lariti.
Ha ka jingkren jongu, u bah Paul u la kdew ia ka jingpyrshang ka sorkar ban kyntiew bad ban sain dur ia ki sap jong ki samla ka jylla khamtam ha ka put ka tem, ka siaw ka rwai bad kiwei ki sap. Ula pynpaw ia ka jingkyrmen ba ka sap tynrai kan sa ioh jaka ha kylleng ka ri bad ka pyrthei bad u la pynshlur ia ki samla ban pyni bad sei ia ka sap ha ki bynta bapher bapher.
Na ka liang u Commissioner & Secretary u bah Frederick u la ong ba ka jylla ka don ka jingangnud ban kyntiew ia ka bor jong ka jingkhring ban pyndonkam ia ka sap ka phong bad ka buit jong ki samla ha ki bynta bapher bapher jong ki.
Da kane ka jingpyllait paidbah ia ka pansngiat na bynta ka rynsan Miss Universe Meghalaya, la thung ruh ia ka Director ban pyntyllun ia kane ka kam kylleng ka ri ban pynsuk ia kiba kwah ban iashim bynta. U nongialam ka Miss Meghalaya Organization u bah Dominic Savio Diengdoh u la shah thung kum u State Director ia ka Meghalaya.
Phi don ban ong eiei?