Pyllait u MR ia ka skhim map ei ia ki nongthang ding ha ka jylla

Shillong:U Myntri Rangbah ka Jylla Conrad K Sangma mynhynnin ka sngi Baar ula pyllait paidbah ia ka skhim ka ban mab noh ia kito ki briew kiba khlem lah siew bai thang ding bad kiba shah ot ding.
Haba pyllait ia ka One Time Settlement (OTS) scheme ha ka jingiadon ryngkat u Myntri ka tnad bording Abu Taher Mondal.

Haba pyllait ia kane ka skhim, u Myntri Rangbah ula ong ba jan kot 45000 ki nongthang bording kin ioh jingmyntoi bad palat T.26 klur ka jingohdor tam bad ka kuna yn sa map noh. Katkum kane ka OTS ki nongthang ding kin hap ban siew tang ia ka trai ba 40% bad ka 60% ba sah kin siew da ka instalment khlem ka sut.

Ka OTS scheme ka treikam tang ia kiba pyndonkam ia ki “Domestic Low Tension (DLT)” bad “Kutir Jyoti/ BPL” kiba la pynbna ba ka bording ba ki thang ka long hapoh ka 5 KW jong ki longiing bala shah ot bording namar ka jingbym siew bai bording, khnang ban ioh noh ia ka bai bording ba sah baroh.
Kane ka OTS scheme kan treikam naduh ka 1 tarik u Lber 2025 haduh ka 31 tarik u Lber 2025. Tang ki longiing kiba la shah ot ka bording ki lah ban aplai ia ka OTS scheme bad ioh ia ki jingmyntoi.
Ka bai bording ka bym pat siew baroh lang da ki nongthang bording kala kot ia ka T.119 klur.