Nongpoh: U Bah Sosthenes Sohtun, MLA Jirang, hynnin ka sngi u la pyllait paidbah ia kawei ka kali kit nongpang (Ambulance), kaba u la thied khnang, na ka bynta ban ai jingshakri ia ki paidbah ka thain Byrnihat hi baroh kawei.
Ia katei ka kali kit nongpang, la pyllait paidbah ha phyllaw ka skul Moon Light Secondary School, kiba la donlang ha katei ka sngi, ki kynthup ia u Bah Victor Rani, MDC Jirang, ki ophisar sorkar lem bad ki nongialam shnong ka thain Byrnihat.
Haba iadei bad katei ka Ambulance, u Bah Sothenes Sohtun, u la iathuh ba la thied lyngba lyngba ka skim SRWP, kata hadien ba u la iohi ba ki paidbah ha katei ka thain, ki la kynduh jingeh ha ka por ba ki thmu ban pynkit sha ki jaka sumar, ia ki nongpang kiba la kham jur ka jingshitom.
La ioh ia ka jingkren na ki nongialam shnong, kiba la pynpaw ia ka jingkmen ban iohi ba u MLA, u la pynioh ia katei ka Ambulance bad ka ban sa long ka jingmyntoi kaba khraw eh ia ki paidbah jong katei ka thain hi baroh kawei.
Phi don ban ong eiei?