Nongstoin, 13 Iaiong:
Ha ka lah sngi u Blei jong ka taiew, ha ka jingialang kaba la long hapoh Madan New Nongstoin, u MLA ka nongstoin u bah Hoping stone Lyngdoh u la pyllait paitbah ia ka skhim Special Rural Works Programme (SRWP) ba T.1 klur tyngka na ka bynta ka Nongstoin Constituency . Ha katei ka sngi pyllait paidbah ia katei ka skhim la iadon lang ki nongialam jong ki seng treimon sngewbha, ki nongialam shnong bad ki dkhot jong ki managing committee bapher bapher ha kaba ki la ioh ban shimti ia ka work order na ka kti u MLA.
Katei ka skhim SRWP kaba 1 klur tyngka la pyllait na ka bynta ban shna madan, ban shna iing skul bad iing dorbar, naka bynta ki sport Club bapher bapher, ki jingkieng iaid kjat bad ki lynti iaid kjat kiba hap hapoh jong ka 32-Nongstoin constituency, la pynrung ruh iaka surok RCC na ka bynta ka Nongstoin College bad St.Francis College hapoh jong katei ka skhim.
Na ka liang jong ki nongialam shnong ki la pynpaw ia ka jingsngew nguh kaba khraw na ka bynta u MLA uba la shimkhia ban bhah skhim naka bynta kiba bun ki shnong bapher bapher kiba hap hapoh ka Nongstoin konstitwensi, ki la pynpaw ruh ia ka jingsngew kmen kaba khraw ha kaba kadei ruh ka sien ba nyngkong ba un wan ban sam hi iaki work order namar baroh shikatta la shu phah bteng ha ki briew jong ka party hynrei mynta ki la ioh ban pdiang naka kti jong u MLA. Kum u Nongmihkhmat ula pynpaw iaka jingkmen kaba khraw halor ka jinglah jong u ban ioh ai jingiarap iaki briew jong ka constituency, u la pynpaw ruh ba ha kine ki khyndiat bnai un sa pyllait biang ia ki skhim pynroi jong u na ka bynta ka Nongstoin constituency. Shuh shuh u Ma Hoping Stone Lyngdoh ula kyntu iaki paidbah ba kin pyntreikam hok ia ki skhim katkum kaba la mang khnang ba ma u kum u nongai un da sngewhun ka mynsiem.
Phi don ban ong eiei?