Pyllait paidbah ka Nongmalieh Ford ia ka kali thymmai EcoSports Thunder

Shillong: Ka jaka die kali ia kaba la tip kyrteng kum ka Nongmalieh Ford kaba don ha Mawlai Mawiong, mynta ka sngi ka 18 tarik u Jylliew, 2019 ka la pyllait paidbah ia ka kali thymmai ba la tip kyrteng kum ka EcoSports Thunder.

Ia ka shlem die kali jong ka Nongmalieh Ford, la plie paidbah dang shen, kata, ha u bnai Kyllalyngkot, 2019.Kane ka kali ka long ka ba la kham itynnad bad i pher ban ia ki kali ki barim bad ka don ruh ia ka Sunroof bad ka don ia ka automatic key start bad ka dor ka long 7lak 69 hajar ia ka model petrol bad 8lak 19 hajar ia ka model Diesel .

Ha ka jingialang kaba lyngkot, la pyllait paidbah ia ka kali EcoSports Thunder da u Managing Director, u Bah Rajesh Lapang ha ryngkat ka jing iadon lang u General Manager u Bah Donbok Shangdiar, ki nongthied kali bad ki nongshah khot sngewbha.