Pyllait paidbah ka Geonka Hyundai ia ka kali thymmai, kaba kyrteng “Venue”

Shillong: Ka Goenka Hyundai  mynhynnin ka sngi ka 21 tarik u Jymmang  2019, ka la pyllait paidbah ia ka kali ba kyrteng ka “Venue”. Ha kane ka kali, ka don bun ki bynta ki ban pynsuk bad kaba suk ban buddien lada shah tuh.

          Kane ka kali thymmai ka don 3 tylli ki kyrteng ne model kum ka Top Model, 2nd top Model bad kaba lai ka model kaba kham tad duh.Lah ban ioh ia kane ka kali ha nongbah Shillong ha ka dor T 8-13lak.

       Ka jaka die jong kane, ka don ha Keating Road, Shillong lyngka ka dukan Geonka. Kiba kwah thied ki lah ruh ban leh da ka ram katkum ki kyndon ba la buh. Shwa ban pyllait, la ai ia ka jingbatai na ki nongtrei kane ka kompeni shaphang ka dur ka dar, ki jnit ki jnat jong kane ka kali thymmai kaban pynhun jrut ia ki nongthied lada kin kot bor ban pynlut pisa ban thied ia ka.