Pyllait paidbah ia ka Almanak khasi ba nyngkong ba don 13 bnai

Shillong: U Bah Spiton Kharakor mynta ka sngi u la pyllait paidbah ia ka Alamak Khasi kaba nyngkong kaba don khatlai bnai ia kaba la pynmih da ka Synjuk ki Rangbah Kur ka Bri U Hynniewtrep (SRKBH) ha ka jingialang kaba la long ha Dalariti Visual Art Umsohsun Shillong .

Ha ba ai jingkren ha kane ka sngi u Bah Spiton, u la ong ba ki khasi ha ba ki khein bnai ki khein na u bnai ba mih ha suin bneng, la ong ba ka jingkhein bnai ki khasi ka ia ryngkat jong ki Gujarati. Kiwei kiwei ki jaidbynriew ki don ia la ka jong ka Almanak kum ki Assames, Nepali bad kiwei kiwei dei, kum ka jaidbynriew ka la iaid sha khmat bad u la kyntu ruh ban dang iai pynbha shuh shuh ia kane.

U la kyntu ruh ia ka SRKBH ban wad jingtip ia ka shnong kaba nyngkong ka ba don ha ki ne ki lum khasi bad kat kum ka jingpule jong u na ka kot ka ba la thoh da u Prof Marko Mekri la thoh ba kata ka long Lawlongthloh hapoh ka raid Mawbuh ka don ka shnong ba nyngkong tam ha ka Bri u Hynniewtrep ka Nongthloh bad mynta ki khot ka Lawnongthroh.

U la ong ba ha kata ka kot la thoh ba ki don hynniew tylli ki Mawkpep lane ki Mawbah, la ong ba u la leit da lade sha katei ka jaka, hynrei ym shym la lah ban poi sha baroh ki Mawkpep u la lah ban poi tang lai tylli. Kane ka lah ban long ba u Khasi u don Hynniew kur bad ki sa sakma, ong U bah Spiton.