Pyllait noh kloi ia ka bai bam ki samla pule, dawa ka HYC

Shillong: U Publicity Secretary ka HYC War Jaintia Circle, u Bah Ricky Mukhim, hynnin ka sngi u la pynher shithi sha u Chief Minister ka sorkar jylla u Conrad K. Sangma, sha u Bah Lahkmen Rymbui Education Minister bad sha U Jt. Director Higher & Technical Education ka jylla Meghalaya halor ka jingdawa jong u ban pyllait noh kloi ia ka baibam ki khynnah bad samla pule ka jylla Meghalaya lyngba ka Umbrella scheme 2.0 Pre-Matric & Post-Matric Scholarship 2020-21.

U Bah Mukhim ha ka dorkhas ba u la phah hynnin ka sngi u la kyrpad ia u Chief Minister, Education Minister bad ia U Jt. Director ban pyllait noh kloi iaka bai bam ki khynnah bad samla pule ka jylla jong ka bhah u snem 2020-21 halor ka nongrim ba u la pynpaw ba kat kumba long mynta shibun ki longiing longsem ki kmie ki kpa ki khynnah bad samla pule kiba wan naki longiing ba duk ba kup shiliang sem shiliang ki mad iaka jingeh kaba khraw naka jingkyrduh bam ha iing ha sem naka jingwan lyngshop ka khlam Covid-19.