Pyllait kot U Pastor D.E Syiem 

Shillong: U Pastor D.E. Syiem, Pastor Rangbah jong ka Balang Mawkhar, ha ka sngi Ba-ar i la pyllait paidbah ïa ka kot ba la ai kyrteng, “Ka jingdap 50 snem jong ka jingleit phai jynduh ka Welsh Mission sha Ri Wales” ba la thoh da i Dr. B.Ps. Toi ha iingsah jong u nongthoh.

Ïa kane ka kot lah ban ïoh na Khasi Jaiñtia Assembly Book Room Motphran, na Khasi Jaiñtia Book Stall Mawkhar bad na Na-fele Clinic, Umsohsun.
Ha kane ka kot, u nongthoh u pynpaw ka jingsngewnguh jong u ïa ka jingnoh synñiang jong kitei ki mishoneri na ri Wales ha ka jingnang jingstad, ka koit ka khiah bad ban tbeh ïa ka jingshai ka Gospel u Jisu Krist ha ka ri Khasi – Jaiñtia.
U nongthoh u kdew ruh ba ha kine ki 50 snem ba  ki leit phai jynduh, ka la don ka jingkiew stet ha baroh ki liang.