Pyllait ki lehnoh ia uba shah rahbor

Shillong,19 Nailar:
Ha ka sngi balang jong ka taiew ki suba lehnoh ki la pyllait noh ia uwei u samla uba shah rahbor na Resubelpara hadien ba ki bahaing hasem ki la siew ia ka pisa ba la shah dawa ryngkat ka laptop bad ka Printer, iathuh ka khubor pulit mynta ka sngi. Ki pulit ki la suba jur ba ia katei ka kam la leh da u William Sangma u nongialam jong ka Achik National Co-Operative Society. Ki pulit ki la iathuh ba la dawa T.15 lak tyngka na kiba haing hasem utei u samla hynrei ki la pynhiar noh ia katei ka dor kaba ki la dawa. Lah ban kdew ba ha ka 11 tarik mynta u bnai uwei u samla u la shah rahbor ha ka por ba u mih na la ing ban leit sha iew.