Pyllait ki GNLA ia u para u MLA, hadien ba siew T. 20 lak

Shillong, 05 Rymphang:
Ka Garo National Liberation Army (GNLA) ka la pyllait noh ia u para jong u MLA u Naga M Sangma hadien hynriew sngi ba la rah bor ia u.
Kane ka long hadien ba ki bahaiing hasem jong u ki la siew T. 20 lak sha katei ka seng lehnoh. U Naga u dei u para jong u MLA u Samuel Sangma.
Ka GNLA ka la rahbor ia u Naga uba dei u nongkhaii ha ka 30 tarik Kylla lyngkot na jaka sah jong u ha Gasuapara South Garo hills.
U SP ka South Garo Hills u Davies R Marak u la ong ba ia u Naga la pyllait mynta ka sngi por mynstep ha South Garo hills district.
U la ong ba la ioh jingtip hynne mynstep ba u Naga u la poi ha iing ha Gausapara hadien ba katei ka seng lehnoh ka lapyllait ia u ha kawei ka jaka khlaw ka ba don hapdeng ka Chokpot bad Gasuapara.
U Marak u la ong ba ki pulit kim tip thikna la ki bahaiing ki siew ne em ia katei ka pisa ba la dawa da katei ka GNLA hynrei ka khubor na ka tnad syntiat ka iathuh ba ki lehnoh GNLA ki la pynlait noh ia u hadien ba kiba haiing jongu, ki la siew ia katei ka pisa ba ki la dawa T. 20 lak.
Kumjuh kiba haiing hasem jong u Naga ki la kyntait ba ki siew ia katei ka pisa sha ki lehnoh GNLA.