Shillong: Myn hynnin ka sngi, ka Seng KSU Nongkrem Circle ka la pyllait paidbah ia ka kali kit nongpang, ha ka tei ka thiañ khnang ban ai jingshakri khambha na bynta ban rat dyng khong ia ki jing kynduh mawsiang ki paidbah ka thaiñ ha kaba iadei bad ka koit ka khiah.
Ha ka tei ka jingialang la pyniaid da u President ka seng KSU Nongkrem, u ba bat ruh ia kum u GS ka eastern Central u samla Kheinkor kharrngi bad la ioh ka jingkren maitphang lyngkot na ki nongkitkam ka KSU na u samla Micheal lawai bad na u Vincent makri kiba dei peit ia ka tei ka thaiñ. Hadien sa ioh ia ki wei pat ki nongkren kynthup ia u syiem khynnah ka Hima khyrim u paiem Habapan sing syiem bad la ioh ka jingkren lyngkot da u finance secretary ka KSU sengkmie samla Manly nongpluh, bud sa ka jingkren na u chairman ka Nongkrem Dorbar pylllun u bah B.lyngdoh, nangta na u organising secretary jong ka KSU sengkmie samla Biangbor paliar bad khadduh la kren da U ma Rocky Dhar, uba long u nong noh synniang ia ka Ambulance bad u kongsan ha kane ka sngi.
Na ka liang U bah Rocky Dhar, u la ban bad ai mynsiem ia ka seng KSU, namar ka lalah ban jing iai shakri ha ka imlang sahlang bad ka jing don jong ka seng ka wanrah ia ki jingshñgaiñ, wat hapdeng ka jing duh mynsiem bad ki jingeh kiba bun. U la ong ruh ba kadei ka sien ka ba nyngkong eh ia u ba un ioh ban kren ha kum kane ka sngi namar u iohi shisha ba ka ksu ka trei nabynta ka eh ka shon ki paid ka bri u hynniewtrep bad u ban u kyntu da kaba ong “Phi ba riewspah te ai beit hynrei u kren shai ba ym dei ka spah dei ka mynsiem ka ba heh i don ka mynsiem ban ai na bynta kiba dei hok ban shakri ia ki paidbah”
Khatduh la pynwai da ka jingkren khublei na u samla Raymond kharjana samla u nongialam ka KSU ba dei peit ha katei ka thaiñ Nongkrem.
Phi don ban ong eiei?