Shillong: Ka tnad pule puthi ka jylla, ka la pyllait ia ka tulop jong ki nonghikai skul deficit hadien lai bnai ba ka la sah pongding. Kane ka la jia hadien ba u myntri rangbah u Conrad K Sangma, u la pynpaw ia ka jingkyndit ba ki nonghikai kim pat ioh tulop la lai bnai.
Haba pyntip ia kane, u president ka KJDSTA u Babu Kular Khongjirem u la ong ba hadien ba ka seng ka la buddien ia kane, mynta ka tnad pule puthi ka kylla, ka la pyllait ia ka tulop kaba lai bnai naduh u Lber haduh Jymmang 2019.
Ka jingmang pisa la phah sha ki DSEO jong ki district kiban sam pat sha ki skul. La khmih lynti ba ki DSEO kin sam ia ka pisa sha ki skul ha kane ka sngi Thohdieng ne la sngi Nyngkong.
U President ka KJDSTA u la ong ba ka Seng ka sngew nguh ia ka jingshim khia ka tnad pule puthi ban pyllait ia ka tulop bad ha kajuh ka por, ka kyntu ia ki bor pyniaid skul ba kin phah noh ia ka Utilisstion Certificate(UC) sha ki DSEO khnang ban nym slem ka jingiaid ka kam ha ki sngi ban wan.
Phi don ban ong eiei?