Shillong:Hadien jong ka jing bun bha kiba pynrung kyrteng, ha ka WE Card ka jing iarap ba kyrpang na ka bynta ki longkmie, ka Meghalaya Trinamool Congress ka la pyllait paidbah sa ia ka jingkular kaba ar ba la tip kum ka Meghalaya Youth Empowerment Card (MYE Card) ka ban ai jing iarap kyrpang ia ki khun samla ha ka jylla Meghalaya, lada ka parti TMC kan ioh ban bat ia u lakam synshar hadien ka elekshon.
Ha ka jing ia lang ba la pynlong ha Pinewood hotel Shillong, la iadon lang ruh ki nongialam naduh U President jong ka Meghalaya Trinamool Congress, bah Charles Pyngrope, Dr Mukul Sangma, nongialam jong ka liang pyrshah, Bah George B Lyngdoh, vice-president jong ka parti, bah James Lyngdoh vice president nalor kiwei pat ki nongialam jong ka parti.
Ka Meghalaya Youth Empowerment Card,(MYE Card), ka dei kawei na ki skhim ba ha khmat bha, hadien jong ka WE Card, kaba la pyllait da ka shongknor jong ka All India Trinamool Congress (AITC) ka Mamata Banerjee, ha ki snem ba la dep. Mynta ka kynti ka Meghalaya Trinamool Congress, ka la pyllait paidbah ia ka Meghalaya Youth Empowerment Card, ka ban iarap kyrshan pisa ia ki khun samla haduh 1000 tyngka shibnai bad 12000 shisnem lada ka parti TMC kan wan ha ka bor synshar ha ka elekshon ban wan.
Ka Meghalaya Trinamool Congress ka buh ruh ia ka thong ba ha khmat bha lada ki paidbah kin jied ia ka, ba kan ioh ban bat ia u lakam synshar, ka don ka thong ba ha khmat bha na ka bynta jong ki samla ban ai kam haduh kumba 3 lak ngut ki khun samla ha ka san snem bad 50,000 tylli ki kam tang ha ka snem ba nyngkong ba kan don ha ka bor.
U Dr Mukul Sangma u la ong ruh ba ki don ia ka jinglah ban ai kam sha ki khun samla, lada ki ailad ia ka parti Trinamool Congress, ba kan thaw ia ka sorkar ha ka elekshon ban wan.
Nga te ngam shaniah phi dang bsa jingbam te kumta hi sa peit ynda kila jop kin sa ong ngan sa leh ngan sa leh ngan sa leh kumta shi kumta la kut ka 5snm sdang bng ka jung hi hadien kata.
satang kane hi ka party ka ban pyllait iangi nakine ki Jing jynjar bangi mad mynta 5 snem, Lada ka npp bad udp kin ioh synshar biang sa 5 snem te tip shuh kaei ka ban jia, ki Jingshah siat iap ki paid khappud, ki Jing die lilam iaki jaka khappud, ki jingduk ka jylla, ki Jing kyrduh kam, ka udp kan die tad iaki skhim sha ka npp ba kan rah kar shaba ka mon, bad kiwei shibun ki jingeh ba ngin mad, ka internet ruh ki lah ban khang syndon baroh 5 snem (2018-2022 ki la khang internet 4 bnai). mynta ka Rai ka shong ha u paitbah, la u kwah iaka jingsuk ne Jing jynjar kumba long ha kine 5 snem ba lah dep, lah ka 500 San snem ne lah ka jingsuk bad ka spah baroh 5 snem??