Shillong: U Lat jong ka Jylla Meghalaya, u Satya Pal Malik mynta ka sngi, kaba long ruh ka sngi ba ka Ri India baroh kawei ka rakhe ia ka Republic Day kaba 72, u la pyllait paidbah ia ka postal stamp ha ka jaka sah ka jong u ha Raj Bhawan, Shillong.
Kane ka postal stamp kaba la pyllait hynnin ka sngi, ka don ia ka dur jong ka Raj Bhawan kaba la rim bha kaba don hangne ka Jylla Meghalaya
U Lat hynnin ka sngi u la pynher ia ka lama ka Ri bad la don ruh ka jingiaiaid parade da ki nongiashim bynta ha ka jingdon lang u Myntri Rangbah ka Jylla Meghalaya, u Conrad K Sangma ha ka jingrakhe Republic Day hapoh Shillong.
“Ryngkat bad u Lat, Sh. Satya Pal Malik, la pyllait paidbah iaka postal stamp kaba la thew kyrpang ia ka jaka ba la rim bha ka Raj Bhawan kaba don ha Shillong kum shi bynta ban rakhe ia ka Republic Day 2021 ha Raj Bhavan, Shillong” la thoh u Conrad Sangma ha ka twitter ka jong u bad u la ai khublei Republic Day ruh ia baroh ki paidbah.
Ka Sorkar Meghalaya ha kane ka sngi ka la pynkupburom ruh ia ki nongtrei kiba hakhmat (Frontline workers) kiba la noh met bad mynsiem bad trei shitom ha ka por ba don ka khlam Covid 19.
Ki nongjop jong ka Meghalaya Day Awards ruh ki la ioh ia la ki khusnam ha kane ka sngi.
Phi don ban ong eiei?