Pyllait ka GNLA ia U BDO hadien shi taiew

Shillong, 03 Naiwieng:
Ka kynhun kieng atiar ka Garo National Liberation Army(GNLA) ka la pynlait noh ia u Block Development Officer (BDO) ka Chokpot u Jude Rangku T. Sangma  ha kane ka sngi Hatmajai hadien shi taiew ba la set ia u hapoh khlaw.
U la Jude u la wan poi sha iing ha kane ka sngi Hatmajai por 5 baje mynstep hadien ba la iaid phra kynta ia ki lum ki wah.
Ka GNLA ka la rahbor ia u Jude ha ka por ba u dang iaid lynti na Deku Deganggre ban leit phai sha Tura ha ka sngi Hatmajai ba la dep.Une u BDO ba la rahbor u la poi sha iing ha Nazing bazaar mynta ka step.  Kiba haiing hasem  jong u ki la ong ba u la thait la jrem bha namar ba u la hap ban iaid kjat haduh phra kynta lyngba ki lum ki wah ba rben na jaka set ka GNLA.Kila iathuh ba ka GNLA ka ai bam ia u tangba ka jaka thiah jaka dem kam long kaba biang bad na ka liang kiba haiing, ki la ai nguh ia u Blei ia kane ka jingri jongu.Ha ka taiew ba la dep, ka GNLA kala rahbr ia u Jude da kaba kam ba u la thok ia u Myntri Rangbah ba ka GNLA ka la shim noh ia ka pisa ba T. 40 klur ba thmu ban siang rong ia ka surok ha  Chokpot. Hynrei na ka liang ka GNLA ka lakyntait ba shim ia kane ka pisa.Shwa ban pynlait,ka GNLA ka la pyntip hynnin ka sngi sha kiba haiing jong u BDO ba kan pynlait noh ia u.Ka  GNLA ka la kam ba ka jingpynlait noh ia u ka long hadien ba ka la lap ba kam don eiei kaba pyrshah ia u BDO.Shwa ia kane, ki ophisar MSC ki la rai ban pynlong ia ka jingsangeh treikam ha baroh kawei ka ri lum Garo lada ka GNLA kam shym la pynlait noh ia u BDO.