Pyllait ka DCA, ïa ka thup kyrteng u Deputy CEM bad ki EM ka KHDF

Shillong:Katkum ka khubor ba la pyllait da Commissioner bad Secretary jong ka tnat District Council Affairs ka Sorkar jylla R Lyngdoh, IAS la ong ba katkum ka bor ba la bynshet hapoh ki kyndon ka riti synshar ka District Council bad halor ka jingai jingmut jong u CEM ka KHADC, ka tnat DCA ka la pyllait ïa ka thup kyrteng ki EM thymmai hapoh ka kynhun ka Khasi Hills Democractic Front (KHDF).

Katkum ka kyrwoh la ong ba na ka liang u Lat u la pynskhem mynhynnin ka Sngi ïa ka kyrteng jong u Deputy CEM bad ki EM ba thymmai kaba long ruh katkum ka jingai jingmut jong u CEM ba thymmai ka KHADC.
Ki kyrteng ki long, Deputy CEM u Bah P N Syiem, ki Executive Member (EM) ki long Bah Gigur Myrthong, Kong Grace Mary Kharpuri, Kong Macdalyn Sawkmie Mawlong, Bah Rangkynsai Kharbuki, Bah Victor Ranee.

Nangta u Bah Teibor Pathaw, Bah Alvin Khyriem Sawkmie, Bah Fantin Joseph Lakadong bad u Bah Carness Sohshang.
Hynnin ka sngi, U Chief Executive Members (CEM) ba thymmai jong ka Khasi Hills Autonomous District Council (KHADC), u bah Pyniaidsing Syiem, u la phah ia ka kyrteng jong ki 9 ngut ki MDC ban long ki Executive Members (EM) ha ka Executive Committee (EC) ba thymmai sha u Lat jong ka jylla, u Phagu Chauhan.

Ki MDC ki ban long ki Executive Member, ba thymmai ha ka Executive committee (EC,) ha ka jingialam jong u bah Pyniaidsing Syiem kum u CEM, ki long u Bah Pynshngaiñ N Syiem Deputy CEM bad u bah Carnes Sohshang kiba dei na ka parti Congress.

Katba kiwei pat ki EM ki dei na ka parti NPP, ha kaba hynriew ngut na ki EM ha ka Executive Committee barim kin bteng biang kum ki EM ha kane ka excutive committee (EC) kaba thymmai, kata ki kynthup ia u bah Gigur Myrthong, Kong Grace Mary Kharpuri, kong Macdylene Sawkmie Mawlong, Bah Rangkynsai Kharbuki, bah Teiborlang Pathaw bad bah Victor Ranee.

Kiba dang shah pynrung thymmai kum ki Executive Member, ha ka Executive Committee kaba thymmai pat ki long u bah Alvin Sawkmie, uba la iehnoh ia ka kam kum u Deputy Chairman bad u bah Fantin J Lakadong, kiba dei na ka parti NPP.