Pyllait ka AIFF ia ki prokram ialehkai jong u 2013-14

New Delhi, 11 Naitung:
Ka All India Football Federation (AIFF) ka la
pynlait ia ka prokram ialehkai ba la buh na ka bynta ki jingialehkai
bapher bapher jong ka aiom ialehkai 2013-14.
Ka lympung ialehkai ba 35 jong ka Federation Cup la buh ba kan
sdang ha u Risaw mynta u snem katba ka 68th Santosh Trophy ka lah ban
sdang hapdeng u Nohprah ne Kyllalyngkot.
Ka jingialehkai Under-16 National Final jong ka Coca-Cola Cup (ba
ju tip mynshwa kum ka Mir Iqbal Trophy) la buh ba kan sdang ha u
Nohprah mynta u snem.
Kiwei pat ki jingialehkai kum ka U-19 B.C. Roy Trophy ka lah ban
sdang naduh u Nailur katba ka lympung jong ka Junior National
Championship jong ki kynthei kan long ha u Naiwieng.
Ki tarik ba la buh ban sdang ki long kumne: Federation Cup: 5 tarik
Risaw, 2013, Santosh Trophy: Nohprah 2013 lane Kyllalyngkot 2014,
Coca-Cola Cup: 1 tarik Nohprah haduh 20 tarik, 2013, B.C. Roy Trophy:
Nailur, 2013, Junior National Championships ki kynthei: 10 tarik
Naiwieng haduh 30 tarik Naiwieng, 2013, Tournament/Festival ki khynnah
shynrang: 10 tarik Naiwieng haduh 30 tarik
Naiwieng.