Pyllait im ki pulit ka Nigeria, ia 500ngut, kiba shah teh kynjri ha ka skul Muslim

Ki pulit, ki la lah ban pyllait im ia 500ngut ki khynnah shynrang bad ki rangbah ruh, na ka skul Muslim kaba lai bad kitei ki dei kiba la shah teh kynjri nar, ki la shah bom shah tied ha ki nong pyniaid jong katei ka skul, ong ka khubor jong ka Daily Mail.

Katei ka dei ka jingkhynra, kaba ha Katsina, kaba don shatei jong ka Nigeria, ha kaba la leit khynra ha ka sngi balang bad lyngba ka jinglap kaba hynnin ka sngi, ki la poi baroh sha ka 1 hajar ngut, ba la ioh ban pyllait im.

Kham mynshwa, la lah ban pyllait im ia ki 300ngut ki briew, na kawei ka skul, ha kaba kitei ki la shah shoh, shah teh kynjri bad shah bat bor da ki bun bun phew sien.Kitei kiba leit ha kitei ki skul, la iathuh ba ki leit da ka jingmut ban nang ban pule ia ka Koran bad kawei na kitei ka dei ka skul ha Daura, kaba don shatei ka Katsina.