Pyllait im ki pulit ia 2 ngut ki nongshah rahbor

Shillong, 22 Nohprah:
Ha ka lah sngi u blei jong ka taiew ki pulit ki la lah ban pyllait im ar ngut ki nongbylla kiba la shah rahbor ha ki suba seng lehnoh kiba la kieng atiar bha ialade.Kitei ki ar ngut ki dei kiba la tip kyrteng kum u Biswajit Pal bad u Dhaniram Tati, la pyllait im ia ki na ka thaiñ jong ka Rengsanggre kaba don ha West Garo district, la pyllait im ia ki tang hadien 24 kynta ba ki la shah rahbor na ki bynta ba don ha ka Asanang jong katei ka District. La pyllait im ia ki hadien ba ki pulit ki la ioh jingtip bad ki la leit ban khynra ia kitei kiba shah rahbor. Na ka jaka ba la pyllait im ia ki la ioh ban kurup kawei ka Pistol 7.65mm bad kawei ka Magazine bad ki kuli ki bym pat pyndonkam.