Pyllait im ka khynnah 12 snem, ia I heprit

Nongstoin, 10 Iaiong:
I wei I heprit ba dang 2 snem shiteng i la lait salit na ka jingiap jyllop ha kawei ka pung saitjain ba la tip kum ka Pung Tongkor kaba don hapoh ka shnong Maw khlam Nongpyndeng, West Khasi Hills District ia itei I heprit  la tip kyrteng kum I Sandra Rose Diengngan I ba dei I khun jong u bah Thomas James K Bani bad I kong Daialin Diengngan na ka shnong Mawkhlam- Nongpyndeng .
 Katei ka jingjia ka la jia mynta ka sngi ha ka por kumba 1.30 PM ei ei ha kaba la ong ba katba I tei I heprit i dang iaid kai ha katei ka jaka kumno re kumno, I la kum hap bad ngam jyllop ha katei ka jaka bad donbok ba ia katei ka jingjia la iohi noh da iwei i longkmie ba sah marjan ha katei ka pung bad ka la pyrta ban wad jingiarap.
 Mar ia iohi ia katei ka jingjia kawei ka khynnah ba dang 12 snem kyrta ba la tip kyrteng ka Anjelina Diengngan khun jong I kong Sistina Diengngan napoh ka shnong Sdaddikhar jong ka thain Maweit kaba wan shong skul hapoh ka Government LP School Mawkhlam kaba dang leit saitjain ha katei ka pung ka la her bran bran bad ryngkoh ha katei ka pung bad ioh ban sei ia I tei I heprit I ba la sdang ngam jyllop bad da ka jinglong shlur jong katei ka khynnah I tei I heprit I la lait na ka jingiap.
 Na ka liang jong ka Seng Samla Mawkhlam lyngba u Secretary bah Wilspar Sohlangpiaw ka la ai ka jingiaroh bad jingsngew nguh ia katei ka khynnah halor katei ka bynta kaba la leh kat ia katei ka kam shlur kaba la ioh ban pyllait im ia ka mynsiem ba kordor jong I tei I heprit.