Pyllait ia u rangbah na ki nongshong shnong

Shillong, 12 Nohprah:
Ha ka 11 tarik mynta u bnai ha ka por 5:30 baje eie janmiet uwei u rangbah uba la tip kyrteng kum u Bowell Laloo ( 42 snem karta) , ka khubor pulit ka la ong ba la don ka jingkynnoh ba utei u briew u la thep ia ar ngut ki khynnah kynthei ba dang 12 snem bad 5 snem karta hapoh kali kamai jong u kaba don ia u nombar ML-05L 5069 ( Maruti Van) bad u la ong ia ki ba un pynhiar ha ka jaka ba kin hiar, hynrei haba la poi ha jaka hiar um shym la sangeh ia ka kali hynrei u la niah sha kawei pat ka jaka.
Ha katei ka por kitei ki khynnah kynthei ki la lynniar bad ki la rynsied napoh kali. Kham hadien ki nongshong shnong jong ka shnong Umsaw ( Sohiong PS) ki la wan sha katei ka jaka bad ki la bat ia utei u rangbah bad ki la rah ia u sha Communitty Hall jong katei ka shnong bad tang mar ia ioh jingtip ki pulit ki la leit pyllait ia utei u briew na kti ki nongshong shnong. Ki pulit ki dang tohkit ia katei ka jingjia.