Pyllait ia u nongkhaii dohkha na ki nong rahbor

Shillong, 29 Nohprah:
Ki paidbah ryngkat ka jingiadonlang ki pulit mynhynnin ka sngi ki la ioh ban pyllait im ia uwei u nongkhaii dohkha na kti ki nong rahbor. Utei u nongkhaii dohkha u dei uba la tip kyrteng kum u Mofidul islam na Krishnai kaba don ha Goalpara. Mynhynin ka sngi u Islam u la leit ban die dohkha sha ka shnong Thapa Dajongre kaba hap hapoh ka Mendipathar Police Station, ha North Garo Hills hynrei kynsan kynsan ka kynhun ki runar ki la bat ia u bad ki la rahbor sha kawei ka jaka kaba don hajan katei ka shnong hi.
Ha katei ka jingjia laong ba ki don ki paidbah nongshong shnong kiba la iohi da la ki jong ki khmat ia ka jingshah rahbor u Islam, tang mar kumta hi la ong ba ki paidbah kila pyntip pulit bad tang mar ia pyntip pulit ki la kthong dalade hi ia kitei ki runar bad hadien shipor la wanlang sa ki pulit bad kila tur sha ka jaka ba don kitei ki runar, hynrei tang mar ia iohi ia u paidbah bad ki pulit kitei ki runar ki la phet krad noh sha ki khlaw ba rben bad ki la ieh ia utei u nongkhaii dohkha ha katei ka juh hi ka jaka.
Ia u Islam la pynkit noh sha ka PHC kaba don ha Mendipathar ban ai jingsumar naba u la mynsaw malu mala.