Pyllait Almanak ka KHADC

Shillong, 4 ’lyngkot:
Ka Khasi Hills Autonomous District Council ( KHADC) ka la pyllait paidbah ia ka almanak jong ka ne ka Calendar, la pyllait ia ka da u bah L.G Nongsiej Chairman jong ka Council ha ka jingialang lyngkot kaba la long ha kamra treikam jong u. Ha katei ka jingialang lyngkot la donlang u bah Donkupar Sumer, Hadrian Lyngdoh, Victor Rani kiba dei ki EM, u bah A.Shangpliang Legislative Secretary, M.Kharkrang Joint Secretary bad u bah B.Sohtun Deputy Secretary. U bah Nongsiej haba kren ha katei ka jingialang u la iaroh ia ka jinglah ki ophisar ka Council ban pynbit pynbiang ia katei ka almanak kaba don ia ka dur ki dar kaba pyni ia ka jingitynnad ka ri Khasi.