Pulom ka khlaw hati ha WK Hills

Shillong,4 Nailar:
Ka thong jong ka sorkar jylla ban buh khlaw hati ne ka Reserve Forest ha ki thain West Khasi Hills ka la pulom noh hadien ba ki trai khyndew bad ki trai jaka ki la leit ban ujor da ka jingthoh sha ka sorkar ban pyrshah ia katei ka jingthmu.
Hadien ba la ioh ka jingujor na ki trai jaka bad ka jingpyrshah jong ki paidbah katei ka thain ka sorkar ka la weng noh ia katei ka jingthmu. Kane ka jingujor bad pyrshah ka la mih lehse na ka jingsngewthuh bakla jong ki paidbah ba ka sorkar ka lah ban shim ei ia ka jaka jong ki katba la sngewthuh pat ba na ka liang ka sorkar kan ym shim ia ki jaka hynrei ban shu buh tang ban ithuh kum ka jaka ri hati.
Lah ban pynkynmaw ba ki katto katne tylli ki jaka ba ka sorkar ka la buh ban pynlong kum ki khlaw ri hati ki long ki jaka kiba ha khappud jong ka South Garo Hills bad ka East Garo Hills, kaba shaduh Nonghyllam, ka Warsan Lyngdoh bad na Nirang sha Maweit