Shillong 11 Lber: Ki Dkhot ka seng Khasi Student Union (KSU) ha ka jingialam khmat u president rangbah u bah Lambokstar Marngar ha ka step jong ka 11 Tarik u Lber 2025, ka la leit ban tur kynsan kynsan sha Garrison Bridge kalad ban rung sha Assembly, halor ban pyrshah jur ia ka Meghalaya State Investment Promotion & Facilition Act (MSIPF) bad ia ka jingthmu ban wanrah lynti rel hapoh ka Jylla.
Ka seng ha ryngkat ka rah bad ki plakad ka la thmu ban rung beit beit sha Assembly,hynrei hadien ba la poi Garrison Bridge ki la Shah khangnoh ha ki bor pulit.
Ka la mih ruh ka jingiania shiphang hapdeng ki nongialam ka seng bad ki bor pulit namar kim Shah ia ki Dkhot ka seng ban rung shapoh.
Ha ki plakad ka seng ka la thoh da ka ba ong,ba ” Ko sorkar wat rhah lynti rel,peit shwa ia ka jingrung kyrthlep ki nongwei, Ngi dawa ILP pynban ka sorkar ka thmu wanrah ia ka lynti rel, bad ruh ka la thoh, ba ka Meghalaya State Investment Promotion & Facilition Act (MSIPF) kadei ka aiñ ban pyniap ia ka Meghalaya Land Transfer Act bad ka 6th Schedule.
Kat haduh mynta wat la ka seng ka la ap naduh dangstep ha katei ka jaka, hynrei na ka liang ka sorkar kam pat shimrai satia bad ka seng kan dangbteng ka jingiakhih.
Ha ka jingiakren bad ki lad pathai khubor u bah Lambokstar Marngar president ka seng u la ong, ba ka seng ka la phah da ka jingthoh sha ka sorkar jylla halor ka lynti rel,hynrei haduh mynta kam shem la leh eiei.
U la ong,ba ka jingleh jong ka sorkar jylla ban pyntreikam ia kane ka aiñ khlem da shim jingmutlang na baroh ka pyni,ba ka kwah ban pynsngewbha ia ki briew ki ba nabar.
Ka seng ka kren da ka ba shai sha ka sorkar, ba dei ban sangeh ia kane ka jingpyntreikam ia kane ka ain ka ba don jingma ia ka ri bad ka jaitbynriew.
Bly u ne u minister u wan rah ia ka ei ka ei ka bym ler kam tang ba ia ka ILP pat ym lah u mut au, ne u shu shah thied ha ki seng Npp ba nalor ne Kane ka dei ka jing kylli ka ba ki paitbah ki kwah ban tip…peit paitbah nangne shakhmat wat nym beit shuh ia Kane ka party die ri ioh ngi duh sien don ia ka ri khasi baieid Jong ngi lada do kum ki ne ki briew lane ki party die ri
u no u no u ba biet nangne shakhmat dei u sñiang lane u ta u miaw bam khun, kyndit bynriew katba ka por ka dang don, lym kumta phin sa babe kylla