Nongstoiñ: Hadien ba u District Magistrate ka West Khasi Hills District, u bah T. Lyngwa u la pynbna ba yn pyllait ia ka sngi Nyngkong jong ka taiew ka 7 tarik u Jylliew na ka lockdown ka sor Nongstoiñ, ka la thnem hi puk namar ka jingiatuid jong ki paidbah na kylleng ki jaka ban wan siew wan tda.
La sakhi ruh ba ki surok hapoh ka sor Nongstoiñ ki la khapngiah bad dap smam da ki kali bad kumjuh la sakhi ruh ia ki paidbah kiba la ia ieng lain ha ki dukan bad kumjuh ha Bank na ka bynta ban ioh thied jingthied bad ban ioh pyndep iala ki jong ki jongdonkam.
Katkum ka hukum ba la pynmih da u District Magistrate ka West Khasi Hills District, ka lockdown kan sdang ban treikam biang naduh ka 5 baje janmiet jong ka 7 tarik u Jylliew haduh ka 5 baje mynstep jong ka 14 tarik u Jylliew tad haduh ban da pynbna da kumwei.
Phi don ban ong eiei?