Proseshon ka Parish Ummulong

Jowai, 26 Rymphang:
Ka proseshion Iukha rist bad pynkyntang Lyng doh ha Nongkhroh
U Pastoral Secretary ka Parish Ummulong Jowai Diocese, u ma Lukas Jat ha ka kyrwoh u la ong ba na ka Procession Iukharist Ummulong bad ka jingpyn kyntang Lyngdoh Sohblei ia u Deacon John Michael Marboh ka ban long ha kane ka 3 tarik Lber 2014 ha shnong Nongkhroh kaba jngai kumba 20 kilometer na Ummulong.
U Most Rev Dr George Palliparambil SDB jong ka Diocese Miao Arunachal Pradesh un long u kongsan ha ka jinglehniam bad ka jing pynkyntang Lyngdoh. Ka Mass bakhuid bad ka jinglehniam pyn kyntang Lyngdoh Sohblei kan sdang ha ka por 10:00 baje mynstep. Ki Phadar bad ki paidriewngeit ka Parish Ummulong ki khot ki wer ia baroh ban ia wan sakhilang ia kane ka jingpynkyntang Lyngdoh bad ban ia shim bynta ha ka Procession Iukharist jong ka Parish.
La ong ruh u surok ban poi sha Nongkhroh u long uba bha uba lah ban iaid ki kali rit bad ki kali heh kumjuh ruh don ar tylli ki surok ban poi sha katei ka shnong Nongkhroh kawei na Ummmulong, Tyrshang, Larnai bad kawei pat ka dei na Ummulong, Wahiajer, Kdohkule.