| Shillong: Ka Shillong Lajong ka la poi sha tduh ha kane ka lumpung ialehkai i-league 2018-19, napdeng ki 11 tylli ki kynhun ha kane ka i-league. Napdeng ki 18 tylli ki jingiakhun ha kane ka lumpung, ka Shillong Lajong ka la kamai tang 11 point da kaba rem 13 sien, jop 3 sien bad iakhaid 2 sien. Ka Shillong Lajong ha kane ka kynti, ka don hapdeng ka jingeh ha ka lynti iaid jongka bad kawei ka daw, ka dei namar ba kam don ki nongialehkai ba kham shemphang bad kawei pat ka dei namar ba kam don ki nongialehkai nabar ri kumba la leh ha ki snem ba la dep. Napdeng kine ki 11 tylli, kiba la wan hakhmat duh ban kamai point ka dei ka Chennai City FC kaba kamai 40 point, bud sa ka East Bengal 36 point, Real Kashmir 33, Churchill Brothers 31, NEROCA 26, Mohan Bagan 26, Indian Arrows 21, Aizawl 18, Minerva Punjab 17, Gokulam Kerela 14 bad ka Lajong 11 point.
|
Phi don ban ong eiei?