Poi spah ngut ki heprit ha ka ‘Talent Hunt’ ka RBDCA ha Madan Umran Niangbyrnai

Nongpoh, 26 Risaw: Da ki spah ngut ki khynnah kiba ha ka rta 10 haduh 16 snem, kynthei bad shynrang, mynta ka sngi ki la leit ban iashimbynta ha ka Cricket ‘Talent Hunt’ kaba la da ka Ri Bhoi District Cricket Association (RBDCA) ha ryngkat ka Seng Samla Umran Niangbyrnai, kaba ki la pynlong ha madan Umran Niangbyrnai.
Ha katei ka sngi, ba ka RBDCA ka la pynlong ia katei ka prokram ban wad ia ki khynnah kiba donsap ha ka jingialehki Kriket, la wan ban khmieh bniah bad hikai da u Shankar Nehwar, BCCI Level 1 Coach bad u Bah Levi Marwein dkhot jong ka RBDCA lem bad kiwei.
Lyngba jong katei ka sngi, ba ka RBDCA ka la pynlong ia katei ka Cricket ‘Talent Hunt’ ka la pynkmen eh ia ki khynnah, kiba la leit ban iashimbynta bad kitei ki nongpyniaid ki la kmen eh, haba ki la iohi ba kitei ki khynnah ki dap da ka jingkmen ban ioh ba ki Heprit ki don shisha iaka mynsiem ban tip bad ban nang ia ka kam ialehkai Kriket.
Ki la iathuh ruh ba ia kane ka jingwat iaka sap ialehkai cricket kin sa nang bteng biang ha kiwei ki sngi ha kaba kin sa leit kylleng ki shnong khnang ba kin ioh ban sei iaki khynnah kiba don shisha iaka sap bad kiba thrang ban nang ialehkai Kriket.