Poi kiba iap sha ka 1,500ngut ha China, kiba pang sha ka 65hajar ngut

Ka jingiap na ka jingpang kynsha lane ka coronavirus, ka la poi sha ka 1,500ngut, ha kaba kiba iap ha ka sngi thohdieng, ki long 121ngut bad kitei kiba bun eh, ki dei na ka Jylla Hubei bad la iathuh ba kito kiba ioh ia katei ka jingpang, haduh mynta ha China, ki poi sha ka 65,000ngut.

Ha ka Jylla Hubei, ki don 116ngut kiba iap bad sa 4,823ngut kiba ioh thymmai ia katei ka jingpang ha ka sngi palei, ong shuh ka khubor na ka tnat ka koit ka khiah jong ka China.