Poi ki Mawbynna ka Seng Khihlang na Muthlong ha Pynursla

Shillong, 14 Iaiong:
Ki mawbynna na Muthlong ka Jaintia Hills ki la wan poi mynta ka janmiet ha Pynursla ka East Khasi Hills.
Ia ki saw tylli ki mawbynna kynthup uba heh bad jrong duh 15 phut, uwei u mawkynthei la thung ha Pynursla hadien ba la pyndep ia ka jingknia jingkhriam da ki tymmen ki san.
La kit na shnong Muthlong ka thain Pnar por kumba 7baje mynstep bad la lah ban pynpoi ha Pynursla por 5 baje janmiet hadien ba la iaid lynti lyngba ka sor Shillong. Ha lynti ter ter la pynlong ruh ia ka jingpdiang burom da ki tnad Seng Khasi ia ki mawbynna.
Kane ka dei ka lympungbah ka Seng Khihlang kaba laiphew kaba la sdang naduh mynta ka sngi 14tarik bad kan kut ha ka 16 tarik Iaiong 2017.