Shillong:Ha ka jingiakhun kaba mynnin ka sngi hapdeng ka Meghalaya bad ka Arunachal Pradesh ba la ialeh ha Mangalagiri, Andhra Pradesh, ka Meghalaya ka la lah ban khylliap noh ia kane ka Trophy da ka jingjop pyrshah ia ka Arunachal da 92 run bad ka la poi ha ka kyrdan kaba ar ha ka Plate Group kaba long hadien jong ka Vidarbha kaba dei tang kane ka kynhun kaba ka Meghalaya ka la shah pynrem.
Kiba la ialehkai bha ha kane ka sngi ki long u Kishan Lyngdoh bad u Chirag Khurana kiba la ioh ka lad ban tied bol shuwa hadien ba ka Arunachal Pradesh ka la jop ia ka toss bad jied ban kawang bad ap bol shuwa.
Hadien ka jinglehkai bha ha ka sien ialeh kaba la dep pyrshah ia ka Tripura, u Lyngdoh sa shisien u la tied bha ia ka bold da kaba ioh 82 run na ki 52 bol kaba kynthup ia 12 tylli ki four bad kawei ka 6, katba u Khurana u ioh 78 run da ka jingioh thlieh 10 tylli ki boundary na ki 48 tylli ki bol.
U Lyngdoh bad u Khurana ki la lah ban ianeh paralok haduh 138 run, bad hadien ka jingkhyllem noh jong u Lyngdoh, u Khurana u la hap ban ianeh paralok bad u Punit Bisht uba la ioh 22 run.
Ha kane ka jngialeh ka Meghalaya ka la lah ban kamai haduh 194/3 na ki 20 over kaba long ka jingkamai kaba heh tam jong kane ka kynhun haba ianujor bad ki jinglehkai jong ki snem ba la dep ha ka T20 tournament.
Haba phai sha ka Arunachal Pradesh kaba la liem ha baroh ki match, kam shym la lah ban khie khlieh ha kane ka kynti pyrshah ia ka Meghalaya ha kaba ka la lah ban kot tang 102/6 ha ki 20 over.
Ha ka jing kawang bol jong ka Meghalaya, ka la pyndon kam haduh khyndai ngut ki nongkawang bol bad napdeng kine u KHurana u la ioh poin bha da 2/12. U Ravi u ioh 1/2. Dippu Sangma u ioh 1/15, Himan Phukan 1/16 bad u Akash Kumar Choudhary 1/25.
Phi don ban ong eiei?