Poi ka India, sha ka kyrdan ba saw, ha ka jingbun kiba pang coronavirus

Ka India, mynta ka la wan kum ka Ri, kaba saw ha ka jingdon bun bah ki nong ioh pang Covid 19, ha kaba ka la tam ia ka United Kingdom, ha ka jingbun kiba ioh pang jur man la ka sngi.

Ka jingkhein ba la ai da ka Worldometer, ka pyni ba ka India, ka don mynta ia 2,97,001ngut kiba ioh pang, katba ka UK, ka don 2,91,409. Mynta ka India, ka wan hadien jong ka US, Brazil bad ka Russia.

Ka Maharashtra, ka kiew stet bha mynta ka sngi ruh, ha kaba ki don 3,607 ngut kiba ioh pang mynta ka sngi bad 152 ngut kiba iap bad baroh kiba ioh pang, ki long 97,648 bad kiba iap 3,590. Ha Delhi, kiba ioh pang thymmai, ki long 1,877 bad kiba iap ki la kiew na ka 984 sha ka 1,085.