Poi Jowai, ar ki met iap jong ki pulit ba shah siat ha ki GNLA La tep mynta ia U Lekichen, lashai yn tep ia U Marshanstar

Jowai,7 Naiwieng:
Ar ngut ki pulit kiba la shah siat iap ha ki kynhun lehnoh ka GNLA kiba dei ki Khasi Pnar la tep donburom mynta ka sngi ha ki shnong jong ki. Ia ka met iap jong kitei ki ar ngut la pynpoi ha sor Jowai mynta ka step ha kaba la aiti ruh sha ki bahaing hasem jong ki ba kin pyndep ia ka niam ka rukom ba khadduh.
Kitei ki ar ngut ki pulit ba la iap ki dei kiba shong ba sah ha Jowai, u Mar shanstar Nongdhar,u shong ryngkat ka lok bad ki khun jong u ar ngut ha ka Dong Khimusniang Jowai. Ia ka met jong u la kit sha ka shnong Umkyrpong East Jaintia Hills ka shnong I lok jong u bad yn pyndep ia ka niam ka rukom lashai ka sngi.
Ia ka metiap u Lekichen Ryngkhlem la kit sha ka shnong Demthring West Jaintia Hills District ka shnongtrai jong u bad la tep donburom ia u mynta ka sngi.Ia u samla Lekichyn Ryngkhlem la kha ha ka 3 tarik u nohprah jong u snem 1982, u dei u khun ba saw jong I kong Syntumon Ryngkhlem bad u ma (L) Em Pyrmai Suchen, ki iadon san ngut shipara lai ngut shynrang ar ngut kynthei.U Leki u la rung sha ka kam Pulit ha ka 22 tarik u jylliew 2007 bad u don ha ka Fire Service ha duh ka sngi ka jingiap ka jong u, ia ka met jong u la leit ontep ia ka mynta ka sngi ha u lum jingtep ka balang Presbyterian Demthring,ha shwa ka ne la don ka jingpyndep iaka niam karukpm daka balang Presbyterian Mynthong Jowai ha ing jong ki ha Demthring bad la leh burom khadduh ia u da ka Sorkar Meghalaya lyngba ka Tnad Pulit ka West Jaintia Hills ha ryngkat ki riew pawkhmat ka Sorkar Jylla ki ba la airuh ia ki kynten sngewlem ki jong ki kiba kynthup na u Bah B Warjri. Ad Chef Secretary, ka kong Ampareen Lyngdoh Myntrika tnad pynroi sor, Ma Justin Dkhar MLA, Ma Stephan Mukhim Local MLA, Bah HG Lyngdoh SP West Jaintia Hills, P.S.Dkhar- DC West Jaintia Hlls bad la ioh ruh ia ka Shithi Sngewlem na u Dr DD Lapang, bad na Dr. R.C.Laloo Symbud myntri rangbah ka sorkar jylla.