Poi ing uba shah rahbor

Shillong, 20 Naitung:
U nongniah kali shimet uba na Dhubri, Assam u Ansar Ali uba la shah rahbor ha kine ki sngi, la pyllait noh ia u mynhynin ka sngi, la pyl lait ia u hajan Dalu, West Garo Hills, u Ali, 35 snem u la shah rahbor na Baro nile , kaba jngai kumba 25 kilomitar na Tura. Ki bahaing hasem jong u ali ki la ong ba ha shuwa ban pyllait ia u ki nongrahbor ki la phone sha ki ba kin wan shaw ia u. Kitei ki nongrahbor kiba la suba ba ki dei ki lehnoh ki la dawa T.10 lak tyngka na kiba haing hasem utei u nongniah kali, hynrei u hynmen jong u u la ong ba u la pynsngew sha ki ba u Ali um dei u nongkhaii lane u heh spah hynrei u dei tang u nongbylla niah kali, bad kim don pisa ban siew kylliang na bynta jong u, u la ong ba hadien ba la ia kren sngewthuh ioh ba ki sngewthuh bakla , ki nongrahbor ki la ong ba kin pyllait noh ia u, bad mynhynin ka sngi la pyllait noh ia u Ali. Ki pulit ki la thwet jur ia kitei ki nongrah bor hynrei kim lap ksai eiei. Ha ka por ba u Ali u la lait na ki nongshah rahbor la lap ba ki la don ki dak mong kiba u la shah shoh jem ha ki nongrahbor.