Poi Hospital 4 ngut ha Sohra naba bu-aid tit

Shillong,5 Iaiong:
4 ngut shi ba ha iing hasem ki la poi sha ka jaka sumar naba ki la kem pang hadien ba ki la bam ia u tit.
Kitei ki 4 ngut ki dei na ka shnong Nongpriang ka shnong kaba hap ban iaid kjat na Mawyir-Sohra kumba shi kynta eiei, lain gut na ki ki dei ki rangbah katba marwei pat ka dei ka kynthei. Kitei ki 4 ngut ki dei u bah Nolan Syngai, u bah Pyntngen Suting, ka Dameris Sohkhlet bad u bah Redi Suting. Kitei baroh 4 ngut mynta ki don hapoh CHC, Sohra bad ki lad khubor ki la iathuh ba mynta ki la kham ioh bor.
Katkum ka tyllong khubor kaba u Rupang u la ioh lum la iathuh ba kitei baroh saw ngut ki la bam ia u tit uba ki khot ha ka ktien shnong jong ki u tit Tynrai (u jait tit uba ki briew katei ka shnong ki ju bam), la ong ba ki la bam ia utei u tit tynrai mynhynin ka sngi ha ka por mynstep bad ha ka por mynsngi ki la leit sha la ki bri ki bsah sha la ki jaka rep jaka riang kumba ju leh manla ka sngi hynrei ha ka por mynmiet kitei baroh saw ngut ki la prie bad pynhiar bad ki la kem tlot bad la pynkit noh ia ki bak sha Sohra, kim lah shuh ban iaid hi hynrei la shu kit da ki briew na katei ka shnong namar ba ka dei ka shnong ka bym pat don surok. La iathuh ba kiba ia bam ia utei u tit ki don bun ngut hynrei kiwei pat kim lei lei hynrei tang kitei saw ngut kiba la ioh pang.