Poi Civil u dkhot ka HANM, naba khie tlot shah thngan rByrngem ban leit phai biang sha Mot Kiang Nangbah Shillong, 27 Jymmang: Uwei na ki nong ialam ka seng HANM u Devijune Myrthong uba dei u General Secretary ka North West, Mairang uba la shong shah thngan lang bad u bah Adelbert Nong rum , u la khie tlot kynsan mynta ka step bad la pynkit ia u shapoh Civil Hospital bad mynta u dang don ha jingthiah pang ha katei ka jaka sumar. U Devijune u la sdang ban shong shah thngan naduh ka 23 tarik mynta u bnai kaba la long san sngi lynter, hynrei mynta ka step u la khie tlot kynsan bad la pynkit ia u shapoh Civil Hospital Shillong mynta ka step ha ka por 10 baje eiei. Haba ia kren bad u Rupang ha jaka thiah jong u ha Civil Hospital mynta ka noh sngi u samla Devijune u la ong ba ka suh palat ka kpoh jong u bad u la iathuh balai snem mynshuwa ka shong ka jingpang Gastric ha u hynrei mynta ka la jem bad u mutdur ba katei ka jingtlot ka met jong u lehse ka dei ioh ka khie biang katei ka jingpang. U la iathuh ba u khlem bam eiei ha katei ka jaka shah thngan, lait tang ka um, bad u la ong ba ki klukus ki ORS um lah nguid ba um bang namarba um ju dih, u dih beit thik tang ka um. Utei u samla mynta u la kham ioh bor bad u la lah ban kren bha, hynrei u thiah hapoh Civil ban pynlut ia ka Drip kaba la ai ia u, “Tang mar ia lut ka Drip ngan khie noh bad ngan leit biang sha jaka shah thngan” u la ong. U la iathuh ba ki Doktor ki la bthah ba u dei ban bam khnang ba un ioh bor kloir hynrei u la ong “Ngam treh bam, nga la dih tang ka dawai um ba ki ai ki Doktor, bad nga la shah ba kin injek”. Lah ban kdew ba mynta ki 6 ngut ki ba shong shah thngan ha u mot Kiang Nangbah ban pynbor ia ka sorkar ban mynjur noh ia ka Village Administration Bill, bad kitei ki 6 ngut ki dei u bah Adelbert Nongrum, u Goldy Warjri na Lumdiengjri , u Ibankmen Bynnud na Sohra, bad lai-ngut ki nongialam ka HANM ba kynthup ia u Bobby Basaiawmoit, Vice President ka HANM (Central Body), u samla Devijune Myrthong General Secretary ka North West Khasi Hills bad u samla Samborlang Lyngkhoi, Working President ka Nongkhlaw Circle.

Poi Civil u dkhot ka HANM, naba khie tlot shah thngan
rByrngem ban leit phai biang sha Mot Kiang Nangbah
Shillong, 27 Jymmang:
Uwei na ki nong ialam ka seng HANM u Devijune Myrthong uba dei u General Secretary ka North West, Mairang uba la shong shah thngan lang bad u bah Adelbert Nong rum , u la khie tlot kynsan mynta ka step bad la pynkit ia u shapoh Civil Hospital bad mynta u dang don ha jingthiah pang ha katei ka jaka sumar. U Devijune u la sdang ban shong shah thngan naduh ka 23 tarik mynta u bnai kaba la long san sngi lynter, hynrei mynta ka step u la khie tlot kynsan bad la pynkit ia u shapoh Civil Hospital Shillong mynta ka step ha ka por 10 baje eiei. Haba ia kren bad u Rupang ha jaka thiah jong u ha Civil Hospital mynta ka noh sngi u samla Devijune u la ong ba ka suh palat ka kpoh jong u bad u la iathuh balai snem mynshuwa ka shong ka jingpang Gastric ha u hynrei mynta ka la jem bad u mutdur ba katei ka jingtlot ka met jong u lehse ka dei ioh ka khie biang katei ka jingpang. U la iathuh ba u khlem bam eiei ha katei ka jaka shah thngan, lait tang ka um, bad u la ong ba ki klukus ki ORS um lah nguid ba um bang namarba um ju dih, u dih beit thik tang ka um.
Utei u samla mynta u la kham ioh bor bad u la lah ban kren bha, hynrei u thiah hapoh Civil ban pynlut ia ka Drip kaba la ai ia u, “Tang mar ia lut ka Drip ngan khie noh bad ngan leit biang sha jaka shah thngan” u la ong. U la iathuh ba ki Doktor ki la bthah ba u dei ban bam khnang ba un ioh bor kloir hynrei u la ong “Ngam treh bam, nga la dih tang ka dawai um ba ki ai ki Doktor, bad nga la shah ba kin injek”.
Lah ban kdew ba mynta ki 6 ngut ki ba shong shah thngan ha u mot Kiang Nangbah ban pynbor ia ka sorkar ban mynjur noh ia ka Village Administration Bill, bad kitei ki 6 ngut ki dei u bah Adelbert Nongrum, u Goldy Warjri na Lumdiengjri , u Ibankmen Bynnud na Sohra, bad lai-ngut ki nongialam ka HANM ba kynthup ia u Bobby Basaiawmoit, Vice President ka HANM (Central Body), u samla Devijune Myrthong General Secretary ka North West Khasi Hills bad u samla Samborlang Lyngkhoi, Working President ka Nongkhlaw Circle.

– Advertisement –

Phi don ban ong eiei? Cancel reply