Shillong: Ka Shillong Lajong Football Club ka la shah pynliem biang ha ka jingiakhun jongka, kaba long hynnin ka sngi ha madan JN Stadium, Shillong ha ka NEROCA FC da 2-1.
Kane ka jingshah rem, ka la pynlong ia ka Lajong ban don ha ka kyrdan baar na trai kata ha ka kyrdan ba 10 na ki 11 tylli ki kynhun jong kane ka i-league.
Ka jingshah rem, ka mut ba ka Shillong Lajong ka dang kamai 4 point na ki 7 tylli ki jingialehkai bad katba ka Neroca ka la kiew kyrdan ba 5 na ki 8 point ba ka la khur na ki 6 tylli ki jingialehkai.
Ha ka jingiakhun, ka Neroca ka la ioh ban thep da u Felix Chidi ha ka minit ba 33 bad u Subash Singh bad katba ia ka Lajong la ioh ban thep da u Phrangki Buam ha ka minit ba 48.
Hadien kane ka jingshah rem, ki rangialehkai ka Shillong Lajong mynta kin mih pat ban her sha Srinagar ban iakhun pyrshah ia ka Real Kashmir FC ka ban long ha ka 11 tarik mynta u bnai ha ka por 2 baje mynsngi.