Ka jingthep vote biang ha Kyndong Tuber, kaba hap ha Raliang Constituency, ka iaid beit iaid ryntih mynta ka sngi, ha kaba kiba wan thep vote, ki don 544ngut na ki 628ngut ki nongthep vote kiba don baroh ha katei ka jaka thep vote.
Ki nongthep vote, kiba ieng lain ha khmat jong ka jaka thep Vote ha Kyndong Tuber, ha ka Sngi Palei:Rupang
Katei ka jingthep vote biang mynta ka sngi, la hap ban pynlong, na ka jingbakla jong ka mashin VVPAT, kaba la pynkulmar jingmut ia ki nongthep vote ha katei ka shnong, namar ba tang shu nion ha kano kano ka shap, ka mih pynban da ka shap jong U Lotus.