Shillong: Mynta ka sngi, ka 22 tarik u Rymphang 2021 ha ka por shiteng sngi eiei kawei ka dukan sha kaba don ha Nongrim Hills hajan ka Bethany Hospital, ka la pluh kynsan bad la antad ba ka daw jong kane ka jingpluh ka la sdang na ka jaka shet jong kane hi ka dukan kaba pyndonkam da ki ler tyndong gas.
Ki pulit pynlip ding jong ka Fire and Emergency Services ki la wan kloi kloi sha kane ka jaka ban tem ia ka ding khnang ba kan nym pur pat sha kiwei kiwei ki jaka kiba don hajan katei ka dukan. Haduh kaba thoh ia kane ka khubor ym pat tip satia ia ka bai lut bai sep kaba la julor ha katei ka dukan bad ka jingtohkit ha kaba iadei bad kane ka dang iaid shakhmat.
Phi don ban ong eiei?